ប្រវត្តិសិង្គុត្តរចេតិយសង្ខេប
ប្រវត្តិសិង្គុត្តរចេតិយសង្ខេប និងកម្រងរូបភាពព្រឹត្តិការណ៍បុណ្យឆ្លង សិង្គុត្តរចេតិយចម្លងពីប្រទេសភូមា វត្តប្រាសាទស្រះកណ្តាល(ខ្ពស់) សិង្គុត្តរចេតិយ (ចេតិយព័ណ៌មាស) គឺជាចេតិយដែលគេតម្កល់នូវ អដ្ឋកេសាធាតុ (សក់) ៨សរសៃ របស់ព្រះសម្មាសម្ពុទ្ធ ដែលឈ្មួញបងប្អូនពីរនាក់ គឺ តបុស្សៈ និង ភល្លិកៈ បានសុំពីព្រះបរមពោធិសត្វ មុនពេលត្រាស់ដឹងនូវអនុត្តរសម្មាសម្ពោធិញ្ញាណ។ ដោយឡែក សិង្គុត្តរចេតិយចម្លង នៅវត្តប្រាសាទស្រះកណ្តាល(ខ្ពស់) ភូមិខ្ចាស់ ឃុំបុស្បូវ ស្រុកព្រះនេត្រព្រះ ខេត្តបន្ទាយមានជ័យ តម្កល់ព្រះធាតុខ្នាតតូច នាំមកដោយគណៈសង្ឃ នៃប្រទេសភូមា នៅថ្ងៃទី០៧ ខែកក្កដា ឆ្នាំ២០១៩ ។
